តាមផ្លូវជាតិទើបធ្វើថ្មីៗនឹងដាក់កាមេរ៉ាចាប់រថយន្តលើសល្បឿនកំណត់ ប្រយ័ត្នសុខៗផាកពិន័យដល់ផ្ទះ!
ភ្នំពេញ៖ រដ្ឋមន្ត្រីក្រសួងសាធារណការ និងដឹកជញ្ជូន និងជាទេសរដ្ឋមន្ត្រីលោក ស៊ុន ចាន់ថុល បានលើកឡើងថា នៅតាមដងផ្លូវជាតិទើបធ្វើថ្មី និងកំពុងធ្វើទាំងអស់នឹងបំពាក់កាមេរ៉ា ចាប់ល្បឿនរថយន្តនៅតាមដងផ្លូវ ដើម្បីចាប់រថយន្តរថយន្តដែលបើកបរលើសល្បឿនកំណត់ ហើយនឹងបញ្ជូនក្រដាសផាកពិន័យទៅឲ្យដល់មុខផ្ទះតែម្តង។
ការថ្លែងនេះ ក្នុងពិធីចុះហត្ថលេខាលើអនុស្សារណៈនៃការយោគយល់គ្នាស្តីពីការបង្កើនសុវត្ថិភាពចរាចរណ៍នៅលើផ្លូវថ្នល់ក្នុងប្រទេសកម្ពុជា រវាងក្រសួងសាធារណការ និងដឹកជញ្ជូន ជាមួយក្រុមហ៊ុន មីឆែលីន រ៉ូ និងក្រុមហ៊ុន វើលប្រ៊ីជ ត្រេឌីងក្នុងរយៈពេល២ឆ្នាំ។
លោកទេសរដ្ឋមន្ត្រី ស៊ុន ចាន់ថុល បានថ្លែងថា គ្រោះថ្នាក់ចររាចរដែលកើតមាននៅកម្ពុជានាពេលបច្ចុប្បន្នភាគច្រើនបានបង្កឡើងដោយការបើកបរហួសល្បឿនកំណត់ បើកបរមិនប្រុងប្រយ័ត្ន ប្រើប្រាស់គ្រឿងស្រវឹង វ៉ាជែងដោយមិនបានប្រុងប្រយ័ត្ន ហើយរថយន្តខ្លះទៀត មិនបានយកទៅធ្វើការត្រួតពិនិត្យឲ្យបានត្រឹមត្រូវ ដោយពេលខ្លះសំបកកង់សឹក ធ្វើឲ្យជាន់ហ្វ្រាំងមិនស៊ីជាដើម។ ក្រៅពីបញ្ហាទាំងនេះ ការបើកបរលើសល្បឿនកំណត់ក៏ជាបុព្វហេតុមួយនាំឲ្យកើតមានគ្រោះថ្នាក់ចរាចរលើដងវិថី។
លោកបន្តថា ជាវិធានការទប់ស្កាត់ការបើកបរលើសល្បឿនកំណត់នេះ លោកនឹងរៀបចំបំពាក់កាមេរ៉ាចាប់ល្បឿនរថយន្តនៅតាមដងផ្លូវជាតិដែលទើបសាងសង់ថ្មី ឬផ្លូវជាតិដែលសាងសង់ក្រោយៗទៀត។
លោកបញ្ជាក់ថា៖«យើងបានរៀបចំដាក់កាមេរ៉ា ដើម្បីចាប់អ្នកបើកបរលើសល្បឿនលឿនពេក។ អ៊ីចឹងផ្លូវនឹងមានបង្កប់កាមេរ៉ាមួយចំនួន គឺបើកទៅកាមេរ៉ាថតឡានហ្នឹង បានផ្លាកលេខឡាន ហើយយកក្រដាសផាកពិន័យដល់ផ្ទះតែម្តង។ អ៊ីចឹងជំរាបថា ផ្លូវមួយចំនួននឹងមានកាមេរ៉ា។ កាមេរ៉ាមានផ្លូវមួយចំនួនដែលបង្កើតថ្មីៗ មានផ្លូវលេខ៣មានកាមេរ៉ា ផ្លូវ៤១ ផ្លូវ៣១ ផ្លូវ៣៣ និងផ្លូវផ្សេងៗទៀត និងមានកាមេរ៉ាចាប់ល្បឿន។ អ៊ីចឹងមិនដឹងទេបើកទៅចាប់ខ្លួនឯងហើយ បើកលឿនពេកញញឹមផង ព្រោះការមេរ៉ាថតជាប់ហើយ ហើយបញ្ជូនការផាកពិន័យដល់ផ្ទះតែម្តង»។
លោក ស៊ុន ចាន់ថុល បានឲ្យដឹងថា ផ្លូវដែលទើបសាងសង់ថ្មី និងកំពុងសាងសង់ ដើម្បីឲ្យមានគុណភាព ក្រសួងសាធារណការ បានស្នើសុំឲ្យមានអ្នកបច្ចេកទេសមកពីប្រទេសចិន ជួយពិនិត្យមើល។ ក្រុមជំនាញការរបស់ចិនបានពិនិត្យផ្លូវរួចរាល់ហើយ ហើយបានរកឃើញថា មានផ្លូវខ្លះល្អ និងផ្លូវខ្លះមិនទាន់ល្អ។ សម្រាប់ផ្លូវដែលរកឃើញថា មិនទាន់ល្អក្រសួង នឹងធ្វើឱ្យបានត្រឹមត្រូវតាមលក្ខណៈបច្ចេកទេស និងដាក់ស្លាកសញ្ញាឱ្យបានត្រឹមត្រូវ ដើម្បីជៀសវាងគ្រោះថ្នាក់។
ចំណែកក្រុមហ៊ុនវើលដ៏ប្រ៊ីដ ត្រេឌីង ដែលជាក្រុមហ៊ុនក្នុងស្រុក និងជាក្រុមហ៊ុនដឹកជញ្ជូនផលិតផលសម្បកកង់របស់ក្រុមហ៊ុន Michelin នឹងដើរតួនាទីជាអ្នកសម្របសម្រួលគម្រោងនេះ ព្រមទាំងផ្តល់វិភាគទានហិរញ្ញវត្ថុ ខណៈដែលក្រសួងសាធារណការ និងដឹកជញ្ជូន នឹងផ្តល់នូវការគាំទ្រពេញលេញ និងការអនុម័តឲ្យអនុវត្តគម្រោងនេះ៕
សុន្ទរកថាទាំងស្រុងរបស់សម្តេចតេជោ ហ៊ុន សែន ថ្លែងក្នុងពិធីបើកកិច្ចប្រជុំក្រុមប្រឹក្សាសហគមន៍សង្គម-វប្បធម៌អាស៊ាន លើកទី២៨
(ភ្នំពេញ)៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជា និងជាប្រធានអាស៊ាន នៅព្រឹកថ្ង…