ក្នុងនោះ នៅក្នុងរដូវមង្គលការនេះផងដែរ គឺនាង ស្ទើរតែរកពេលសម្រាកមិនបាន ក៏ព្រោះតែនាង ត្រូវធ្វើជា ពិធីការិនីលើឆាកផង និង ឡើងច្រៀងផង។
ជាពិសេស ក៏មានមនុស្សមិនតិចនាក់ ចង់ដឹងពីតម្លៃខ្លួនរបស់នាង ពេលត្រូវគេអញ្ជើញ តាមកម្មវិធីនីមួយៗបែបនេះ តើនាងទទួលបានប៉ុន្មានទៅ ដោយសារតែ ពេលនេះ នាងក៏ល្បីមិនធម្មតា ដូច្នេះហើយ ប្រហែលជា តម្លៃខ្លួន ក៏មិនណយដែរ។
បើតាមប្រភពជិតស្និទ្ធ បានប្រាប់មកថា រាល់កម្មវិធី ដែលចង់ហៅ កុសុម៉ា មកធ្វើជា ពិធីការិនី និងច្រៀង គឺនាងយក ៨០០ដុល្លារ។ ប៉ុន្តែបើតាមខេត្ត គឺនាងអាច ពិចារណា លើតម្លៃនេះបន្តិច អាចជាឡើងខ្លះ ព្រោះថា នាងត្រូវការចំណាយពេលច្រើន និងចាក់សាំងរថយន្ត។
ចំពោះតម្លៃខ្លួន របស់សុភ័ក្រ កុសុម៉ា អាចនិយាយបានថា ស្ថិតក្នុងតម្លៃមួយ បែបលំដាប់ ក្នុងចំណោមតារាល្បីៗ ដែលយកចាប់ពីខ្ទង់រយដុល្លារបែបនេះ។ ប៉ុន្តែទោះជាយ៉ាងណា តម្លៃនេះ ក៏សាកសម ជាមួយនឹង ទេពកោសល្យ និងកេរ្តិ៍ឈ្មោះរបស់នាងផងដែរ៕
