ប្រភពៈ រស្មីកម្ពុជា
ដោយ៖ ចាន់តូ
អគ្គិភ័យឆេះគំនរសំរាមនៅទីលានចាក់សំរាមជើងឯកផ្សែងខ្មៅខ្មួលខ្មាញ់
(ភ្នំពេញ)៖ អគ្គិភ័យបានឆាបឆេះគំនរសំរាម ចេញពីក្នុងរណ្តៅទីលានចាក់សំរាមជើងឯក ហ៊ុយផ្សែងខ្មៅខ្មួលខ្មាញ់ងងឹតមេឃ ផ្អើលដល់បងប្អូនប្រជាពលរដ្ឋ ក៏ដូចជាអ្នកប្រកបមុខរបររើសអេតចាយ រួមនិងសមត្ថកិច្ចចុះមកអន្តរាគមន៍ អស់រយៈពេលជាច្រើនម៉ោងទើបរលត់កាលពីវេលាម៉ោង១និង៣០នាទីរសៀល ថ្ងៃទី១៣ ខែមីនា ឆ្នាំ២០១៨ ស្ថិតនៅចំណុចទីលានចាក់សំរាមជើងឯក ដែលស្ថិតក្នុងភូមិតាឡី សង្កាត់ដង្កោ ខណ្ឌដង្កោ រាជធានីភ្នំពេញ។
តាមប្រភពពីប្រជាពលរដ្ឋដែលប្រកបរបរជាអ្នករើសអេតចាយ នៅលើទីលានចាក់សំរាមខាងលើនេះ បានរៀបរាប់ឲ្យដឹងថា អាចបណ្តាលមកពីសំរាមគរក្នុងរណ្តៅច្រើនពេក ភាពរលួយរបស់សំរាមដែលនៅខាងក្រោមរណ្តៅ បានក្លាយទៅជាតិហ្គាស បូករួមទាំងថ្ងៃក្តៅខ្លាំងផងនោះ ទើបបណ្តាលឲ្យឆាបឆេះយ៉ាងសន្ធោសន្ធៅភ្លាមៗ ដោយមានផ្សែងខ្មៅខ្មួលខ្មាញ់រួមជាមួយអណ្តាតភ្លើងឆាបឆេះសន្ធោសន្ធៅ តែគ្មាននរណាម្នាក់រងរបួសនោះទេ។
កម្លាំងសមត្ថកិច្ចនគរបាលមូលដ្ឋាន រួមនិងកងកម្លាំងនគរបាលរថយន្តពន្លត់អគ្គិភ័យបានចុះទៅអន្តរាគមន៍បាញ់ពន្លត់ដល់កន្លែងកើតហេតុ និងមាន អេស្កាវ៉ាទ័រចំនួន៤គ្រឿង បានកាយសំរាមកប់ភ្លើងដែលកំពុងឆេះនេះឲ្យរលត់ទៅវិញ៕
ប្រភពៈ រស្មីកម្ពុជា
ដោយ៖ ចាន់តូ
ប្រភពៈ រស្មីកម្ពុជា
ដោយ៖ ចាន់តូ
សុន្ទរកថាទាំងស្រុងរបស់សម្តេចតេជោ ហ៊ុន សែន ថ្លែងក្នុងពិធីបើកកិច្ចប្រជុំក្រុមប្រឹក្សាសហគមន៍សង្គម-វប្បធម៌អាស៊ាន លើកទី២៨
(ភ្នំពេញ)៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជា និងជាប្រធានអាស៊ាន នៅព្រឹកថ្ង…